فیاض الحسن چوہان کا اپنی ہی وزارت میں دھماکہ

پنجاب حکومت کی میڈیا سٹریٹیجی کمیٹی کو تحلیل کرنے سمیت مشیران اور میڈیا کوارڈینیٹرز بھی ختم کردیئے گئے ہیں۔ وزارت اطلاعات نے باقاعدہ نوٹیفکیشن جاری کردیا۔

پنجاب حکومت کے چالیس سے زائد ترجمان بھی ختم کردیئے گئے ہیں۔ وزیراطلاعات پنجاب فیاض الحسن چوہان کی جانب سے جاری نوٹیفیکیشن کے مطابق پنجاب حکومت کی میڈیا سٹریٹیجی کمیٹی تحلیل کر دی گئی جبکہ اس کے ساتھ وزیراطلاعات پنجاب کے تمام

مشیران، پرنٹ و الیکٹرانک میڈیا کے فوکل پرسنز و میڈیا کوارڈینیٹڑز بھی تحلیل کر دئیے گئے ہیں۔ 

زرائع کے مطابق وزیراعلی پنجاب اور صوبائی وزیر فیاض الحسن چوہان تمام میڈیا کمیٹی اور فوکل پرسنز کی کارکردگی سے خوش نہیں تھے۔ ان کو تحفظات تھے کہ وزیر اعلی عثمان بزدار کی قیادت میں پنجاب حکومت جو بہترین پرفامنس دے رہی ہے اس لحاظ سے وہ چیزیں میڈیا اور سوشل میڈیا پر نظر نہیں آتیں۔